Мадярьско зрушыло стрічу з Ураїнов о народностных меншынах в дослідку найновішого спору о тім, же Мадярьско мало робити шпіонаж на Україні. Служба безпекы Україны в пятніцю інформовала о затриманю двох членів мадярьскых тайных служеб, котры подля СБУ мали зберати інформації в Закарпатьскій области Україны, окрім іншого о положіню противоздушной обороны. Шеф мадярьской діпломації наслідно інформовав, же в рамках одветы Мадярьско выгостило двох людей, о котрых твердить, же робили як шпіоны на україньскій амбасаді в Будапешті. Україна наслідно выгостила двох мадярьскых діпломатів. Державный секретарь Міністерства загранічных діл Мадярьска Левенте Мадяр повів, же наперек тому Мадярьско „зістає одкрыте про діалоґ“.

(Медвідь, TASR)