Новый україньскый презідент Володимір Зеленьскый ся вчера святочно хопив свойой функції. Єдночано в приговорі оголосив розпущіня парламенту і апеловав на зорґанізованя передчасных выборів. Выборы мали в ряднім терміні проходити в октобрі того року. Розпущіня Верьхновной рады было єдным із його приобіцянь перед выборами. Зеленьскый оголосив і то, же хоче закінчіти бої з проросійскыма сепаратістами на выході Україны ці одкликати людей в силовых резортах, прокуратурі і тайній службі. Подля слов підпредседы Европской комісії Мароша Шефчовіча, котрого цітовала аґентура Укрінформ, Европска унія підпорить  ріщіня о розпущіню Верьховной рады, покля то буде в згоді з вольов гражданів і конштітуційов. Зеленьскый має о тій справі їднати днесь. Україньскый премєр Володимір Гройсман в реакції на презідента оголосив, же в середу абдікує.

(Медвідь, TASR)