Обмеджіня руху наряджены владами в повязаню з розшырїнём коронавірусовой пандемії ся выразно підписали на знижіню уровни знечіщіня воздуха в цїлїй Европі, цітує Европску весмірну аґентуру (ESA) CNN. Злїпшіня якости воздуха было очівісне головно у Франції, Іспанії і Італії, кідьже вшыткы тоты країны уплатнюють тверды превентівны крокы уж дакілько тыжднів. Паріж зазначів од 13. марца до 13. апріля драматічне знижіня концентрацій оксіду дусічітого, котры суть в порівнаню з єднакым періодом минулого рока о 54 процент низшы. В Мадрідї, Міланї і Римі дошло ку знижіню о приближно 45 процент.

(TASR, Шутіова)