Вже 146 тіл, переважно цівілістів, ексгумовали україньскы форензны експерты з масовых гробів, котры были обявлены коло міста Ізюм в Харківскій области на выході Україны. Інформовав о тім в понедільок ґубернатор области Олег Синєгубов, пише аґентура Reuters. Подля україньского презідента Володиміра Зеленьского ся одгадує, же в лісах за містом Ізюм, котре знова недавно здобыли україньскы силы, є похованых приблизно 450 тіл. Ґубернатор Синєгубов повів, же меджі ексгумованыма тілами были і дві діти. Так само інформовав, же тіла веце жертв мали знакы насилной смерти. Говорця Кремля Дмитрій Песков в понедільок дементовав тверджіня Києва, же російска армія робила в Харківскій области войновы злочіны. Обвиніня означів за „циґаньство“.

(Медвідь, TASR)