Новый америцькый конґрес ся в неділю зыйшо по першый раз на позадю грозіня републиканьскых сенаторів, же будуть голосувати протів ближаючому ся потвердженю результатів презідентьскых волеб. Демократы мають в Палаті репрезентантів – долной коморы Конґресу США – найтіснішу векшыну за послідні дві десятьріча по тім, як пришли о кресла в новембровых вольбах. Оволодіня горной коморы – Сенату – фурт не є вырішене, стане ся так завтра посередницьтвом двох вырішуючіх волеб в штаті Ґеорґіа. Конґрес перейде першов великов пробов в середу, кідь буде мусіти потвердити перемогу новозволеного презідента США Йоеа Бідена перед інавґураційов 20-го януаря. (TASR, Pkf)