Лідер опозічной Лейбрістічной партії Джеремі Корбін дав у понедільок в брітаньскім парламенті пропозіцію на голосованя о недовірі премєрці Тересі Мейовій, інформовала телевізія Sky News. Аґентура AFP додала, же голосованя мусить наперед схвалити влада, чому подля брітаньскых медії не планує дати простор. Корбін твердить, же премєрка не хоче зохабити депутатів Нижньой сеймовні парламенту голосовати о договорі о брексіті, котрый выїднала з Бруселом. Так само повів, же його пропозіція є єдиным способом, як премєрку дотиснути дати депутатам голосовати уж тот тыждень. Голосованя мало проходити минувшый тыждень, Мейова го перенесла на тыждень меджі 14-ым і 20-ым януаром, што Корбін спринимать за марніня часу.
(Медвідь, TASR)
Фото: TASR/AP