На 170 ся у четверь підвышыла в Кітаю кількость жертв нового коронавірусу. Актуалізоаваны даны підвышують цїлкову кількость потвердженых інфекцій в Кітаю на найменше 7711. Аж 37 новых жертв голосили з провінції Ху-пей, котра є поважана за епіцентер шырїня небезпечного вірусу. Єдну жертву сі охорїня выжадало в провінції С´-чхуан. Кітайська Народна здравотницька комісія, подля котрой іде дотеперь о найвысшу кількость жертв нового коронавірусу за єден день зарівно додала, же першый припад наказы голосять уж і з Тібету.

(Шутіова,TASR)