Вынятковый высланець російского презідента Владіміра Путіна Кірілл Дмітрієв днесь выголосив, же їднаня з Українов в Абу Дабі о скінчіню войны принесли покрок. Інформують о тім аґентуры AFP і TASS. В метрополі Сполученых арабскых еміратів ся днесь зачав другый день тристоронных їднань меджі Українов, Російов і Сполученыма штатами о скінчіню скоро штирірічной войны. „Працюєме в тых самых форматах як вчера: тристоронны конзултації, робота в ґрупах і далша сінхронізація позицій,“ написав главный україньскый посередник дебат Рустем Умеров на соціальній сїті Telegram. Выслідкы їднань подля нього ознамлять пізніше. Меджі конфліктны вопросы суть і надале теріторіалны права Росії, причім нияка зо стoрон не проявила охоту до вырішального компромісу. Умеров вчера на соціальній сіті X без ближшых конкретностей увів, же першый день стрічі ся сосереджує на конкретны крокы і практічны рішіня. Тристоронны конзултації з Російов і Сполученыма штатами означів за предметны і продуктивны. (TASR, Пкф)