Мадярска і австрійска поліція прозшырила сполупрацу в області безпечности, котра ся буде дотуляти окрім іншого і боя протів ілеґалной іміґрації і гляданя осіб підозрівых з тероризму. Догода, котру підписав австрійскый міністер внутра Волфґан Соботка і його мадярскый резортный партнер Сандор Пінтер, давать можность черезграничне слідуваня водных і вздушных трас, як і інтензівну вымену інформацій в бої протів людей котры переводять через границю. Австрійскы поліцайты в змыслі даной догоды зачнуть конторлювати влакы, котры ідуть в напрямі з Мадярска до Австрії уж на мадярскій території.
(Петро Кімак-Фейко)