Координатор Европского парламенту про брехіт Ґай Фергофштадт одмітнув вчера вечур можность нановоотворіня догоды о выступліню Споєного кральовства з Европской унії. Інформувала о тім аґентура АП. Реаґував так на попередні вердікты Долной снімовні британьского парламенту, котра одобрила пропозицію жадаюча одкрытя договору о брехіті. Дана пропозиція пожадує зміны дотуляючі ся тзв. ірьского поіщіня і єй заміну ближше нешпеціфікованыма „алетернатівныма опатрінями.“  Коордінатор ЕП про брехіт шак „нановоотворіняці ослабіня“ догоды меджі Лондіном і Бруселом неприпустив. За його словами быся про даный крок в рамках ЕУ ненайшла векшынова підпора. (ТАСР, Кімак)