Шеф америцькой діпломації Майк Помпео у половині фебруара прийде до середньой Европы, потверидло то про комерчну телевізію ATV мадярьске міністерство загранічных діл. Телевізія ся на навщіву Помпеа просила в повязаню з недільняйшым выданьом денника The Wall Street Journal, подля котрого Помпео прийде до Будапешту, жебы особно їднав із премєром Віктором Орбаном. Председа мадярьской влады подля денника в реакції на жадость Споєных штатів продовжовати у твердій лінії в одношіню ку Росії і Кітаю повів, же хоче, жебы його країна была „невтрална як Австрія“. Ґазета з одкликаньом ся на жрідло у америцькій владі написала, же дакотры высловы Орбана, як і незгоды меджі Вашінґтоном і Будапештом, выкликали нове коло діпломатічных актівностей.

(TASR, Mедвідь)