Мадярьска владна партія Fidesz в понедільок остро крітіковала опозіцію за то, же не хоче підпорити в парламенті паклик законів называный „Стоп Шорошови“. Інформовала о тім аґентура MTI. Говорця владной партіі Імре Пушкаш выразив пересвідчіня, же покля мадярьска опозіція односны пропозіції законів не підтримать, докаже тым, же є Шорошовым „жолдніром“ і же не хоче охоронити Мадярьско. Пушкаш реаґовав на слова представителя парламентной фракції Мадярьской соціалістічной партії Тамаша Гаранґозоа, котрый підкреслив, же соціалсіты законы на потиснутя нелеґалной міґрації в передкладаній подобі не підтримуть. В мадярьскім парламенті ся днесь їднать о семій новелізації конштітуції і споминанім паклику законів. Влада тоты пропозіції передкладала 29-го мая.
(TASR)