Пропозіції на лавреатів нагород Премія міста Пряшів і Опалове зернко міста Пряшів за 2023-ій рік можуть люди посылати до 28-го фебруара. TASR о тім інформовала пресова референтка Містьского уряду в Пряшові Ленка Шітарова. Номінації мож загнати на Містьскый уряд в Пряшові або електронічнов поштов. Премія міста Пряшів є публічнов нагородов, котру уділює місто Пряшів фізічным особам, юрідічным особам і колектівам за вынятковы творчі чіны і довгорічный вынятковый вклад про розвиток міста у вшыткых областях общественного, господарьского і културного жывота. Опалове зернко міста Пряшів уділює ся найуспішнішым подникательскым субєктам, котры діють на теріторії міста. Веце інформацій ку номінаціям мож найти на сайті міста Пряшів.

(Медвідь, TASR)