Даньскый міністер загранічых діл Андерс Самуелсен днесь апеловав на запроваджіня сполочных санкцій цілой Европской унії односно Росії за патову сітуацію з Українов у Азовскім морю. Інформовала о тім аґентура Reuters. Самуелсен має днесь і в середу стрічу з україньскым шефом діпломації Павлом Климкіном, а має навщівити і місто Маріуполь. „Я пересвідченый, же ЕУ мусить реаґовати на аґресівне справованя Росії,“ написав даньскый міністер усвоїм выголошіню. Унія тот тыждень передасть демарш Москві, із причіны, же од новембрового інціденту затримує 24 україньскых наморників.

 (TASR, Mедвідь)