Мадярьскый віцепремєрь Жолт Шемєн (Zsolt Semjén) буде на їднаню влады пропоновати, жебы навчалны інштітуції 13 реґістрованых народностных меншын в Мадярьску, враховано словацькой, перешли до властницьтва народностных самосправ. Шемєн то повів у четверь в Будапешту на стрічі парламентного выбору про народностны меншыны. Своє рїшіня дати народностны школы до рук народностных самосправ здоводнив тым, же сельскы і містьскы самосправы тоты школы лем затяжують. ,,Самособов буде треба становити, же тоты негнутельности не буде мож продавати, а же їх не буде мож ани вжывати на інакшы заміры,“ підчеркнув з тым, же тот модел бы быв аналоґічный, як в припадї церьковных школ.

(TASR, Шутіова)