Австрійскый канцеларь Карл Негаммер в понедільок по стрічі з російскым презідентом Владиміром Путіном повів, же не має жадны оптімістічны почутя. Канцеларь подля своїх слов звернув увагу шефа Кремля на войновы злочіны, і на потребу гуманітарьных корідорів. Была то перша навщіва шефа членьской країны Европской унії в Москві од зачатку російской інвазії на Україні. Негаммер припомянув Путінови важны войновы злочіны в Бучі і на далшых місцях і підкреслив, же вшыткы одповідны мусять быти поставлены перед справедливость. Росія войновы злочіны з боку свойой армії дементує. Російска сторона подля слов Негаммера проявила барз малый інтерес о пряму стрічу з Україньскым презідентом Зеленьскым, но надійов подля канцеларя є тырваючій інтерес о мірны переговоры в Істанбулі.

(Медвідь, TASR)