Векшына Німців є проти пониженю віку про участь у вольбах з 18 на 16 років. Выходить то з выслідків дослідженя інштитуту INSA про німецькый денник Bild, інформує о тім аґентура DPA. Подля дослідженя є 62 процент респондентів проти пропозиції, абы в будучности мали можность в сполковых парламентных вольбах голосувати уж жытелі у віці од 16 років. Споминану зміну підпорило лем 27 процент опрошеных. Інштітут INSA зреалізував дослідженя на взорці 1001 людей. (TASR, Pkf)