Нїмецька желїзнічна компанія Deutsche Bahn (ДБ) зрушыла свої строгы наряджіня о уніформах заместнанцїв і заместнанкынь на основі поглавя. По новім сі персонал буде мочі наволити єднотливы части облечіня подля властных преференцій. Выконный директор ДБ Ріхард Лутз выголосив, же 45.000 заместнанцїв у влакох і на желїзнічных станіцях сі по новім будe мочі выбрати, ці хотять врамках робочой уніформы носити сако зо сукнёв або ногавіцями не позераючі на поглавя ці родову ідентіту. ,,Наш персонал одтеперь буде мочі носити то, в чім ся чує комфортно,“ повів Лутз. Додав, же зміна інтерных правил пришла по тім, як о ню пожадали многы заместнанцї.

(TASR, Шутіова)