Шеф европской діпломації Йосеф Боррелл  днесь одсудив “незаконне“ голосуваня о анексії, котре Росія зреалізувала в штирьох окупованых областях Україны, і “сфалшованя“ выслідків споминаных  тзв. референдумів. Подля Боррелла іде о дальше порушіня незалежности і теріторіялной компактности Україны “на позадї сістематічного порушованя людьскых прав“. Тзв. реферренда ся одбывали од минулой пятници до вчерайшого дня в штирьох окупованых  україньскых реґіонах – Донецькій, Луганьскій, Хесонскій і Запорожскій області. Проросійскы представителі в споминаных реґіонох вчера пізно вечур по зрахуваню вшыткых голосів увели, же їх обывателі в “референдумі“ вырішыли о припоїню області к Росії. (TASR, Pkf)