Міністерство загранічных діл і европскых справ Словацькой републікы собі в понедільок покликало заступника Посолства Російской федерації на Словакії. Причінов суть высловы директора Службы вонкашньой розвідкы Російской федерації Серґея Нарышкина публікованы почас мораторія, вечур перед передчасныма парламентныма вольбами на Словакії. TASR о тім інформовало Комунікачне одділіня резорту діпломації. „Резорт діпломації остро протестує проти лживого выголошіня російской розвідкы, котре спохыбнює інтеґріту слободных і демократічных волеб на Словакії,“ конштатовав говорця міністерства Матуш Давід.

(Медвідь, TASR)