Од днешнього дня ся в Австрії звышыли покуты за телефонованя за волантом без handsfree сады. Намість дотеперешніх 50 евр заплатить прихопленый шофер на місці 100 евр. Інформує о тім аґентура DPA. В сітуації, же проступок з телефонованям буде рішыти доправный іншпекторат або го захопить поліцайна фотоґрафія, покута ся звышыть на 140 евр. В сітуації незаплачіня покуты може быти уложеный трест однятя слободы на 24 годин. (TASR, Pkf)