Россія і Сполучены штаты ся покы недоговорили на терміні далшого кола дебат о нормалізації взаємных односин. Говорця російського міністерства загранічных справ Марія Захарова увела, же Вашінгтон мать інтерес о обновліня односин, але США пересунули третє коло дебат. Діалоґ меджі амбасадами і міністерствами фурт тырвать, а єдна з тем є ліквідація „неприємностей“ в односинах. Першы дебаты ся одбыли 18-го фебруара в Ріяді, пак слідовали два кола в Істанбулі. (TASR, Пкф)