До свідницькых містьскых основных школ наступило вчера 389 школярів, што є  скоро 95 процентів з цілкового чісла. До матерьскых школ прийшло 232 дітей, што є коло 85 процентів. Як про пресову аґентуру TASR увела говоркыня міста Крістіна Тхірова, од понеділька суть в превадзкі вшыткы три матерьскы школы і презенчна форма едукації про першый ступінь є на трьох основных школах. До матерьскых школ і на першый ступінь основных школ в Бардійові наступило в понеділок 76 процентів школярів. Як про TASR повів говорця міста Штефан Гій, їх отворіня было без важнішых проблемів. Цілково в місті отворили 15 школ до котрых наступило 1495 школярів з цілкового чісла 1955. (TASR, Pkf)