Папа римскый Франтїшек выменовав вчера у Ватіканї 14 новых кардіналів. Находить ся меджі нима і єден з ёго головных порадцїв про поміч бездомным людём. Святочне креованя ся одбывало при ославах публічного конзісторія кардінальского збору у ватіканьскій Базіліцї св. Петра. Кардіналы походять з 11-ёх країн світа: Італії, Портуґалії, Іспанії, Польщі, Мексіка, Іраку, Пакістану, Мадаґаскару, Перу, Болівії і Японії. Трёме далшы суть у віцї над 80 років а тот тітул дістали як оцїніня за свої цїложывотны заслугы. Новы кардіналы собі по зложіню присягы перевзяли з рук папы Франтїшка червеный бірет і кардінальскый перстінь вєдно з придїлїнём діаконії.
(TASR)