x

Бабіш о міґрантах

00

Подля чеського премєра Андрія Бабіша бы найлїпше было, кебы лодї з міґрантами ани невыплавали на путь до Европы. Увів то по приходї на саміт ЕУ в Бруселї, котрый є заміряный на рїшіня проблемів з міґраціёв. Бабіш говорить о тім, же то треба заставити мімо Европы а центра зрядити там. Пропонує вытворити тзв. вылодюючі платформы про міґрантів наприклад в дакотрых країнах северной Афрікы. Чеськый премєр одмітать пропозіції нїмецькой канцеларкы Анґелы Меркеловой набілатералны договоры з членьскыма країнами о дабліньскій азіловій сістемі, жебы утеченцї жадали о азіл в першій країнї ЕУ, до котрой пришли. Меркелова подля нёго видить сітуацію так, якбы ту приходили лем леґалны міґранты. Мімо іншого Унія ся мусить постарати і о тых 1,5 міліона міґрантів, котры на єй теріторії уже суть. „Єм рад, же членьскы країны міняють погляд а доходить на нашы слова. Важне є, же австрійскый канцелар Себастіан Курц має такый самый погляд як мы, бо переберать од 1. юла председніцьтво в Радї ЕУ,‟ увів Бабіш.
(Teraz, Цітрякова)