Сербія не стане членом НАТО, покля буде Александар Вучіч презідентом той балканьской державы. В розговорі про пресаґентуру ТАСС то в понедільок выголосив сербскый міністер обороны Александар Вулін. З воєньского боку є Сербія невтралнов державов, а таков і зістане, покля буде Вучіч презідентом і Вулін міністром, повів шеф резорту обороны. Припомянув, же не знають забыти аліанції аґресію і свою позіцію не змінять. Міністер спомянув і то, же Белеград є участником проєкту НАТО під назвов Партнерство за мір, котрый означів за „оптімалну уровень співпраці“. Проєкт за його словами не представлює барьєру про діалоґ Сербії з Російов, Кітайом або Орґанізаційов договору о колектівній безпечности.

(Медвідь, TASR)