По ознамліню америцького презідента Доналда Трампа были подвоєны імпортны цла США на оціль і алумініум. В ночі на днесь (о 6:01 SEČ) ся цолны таріфы звышыли з 25 % на 50 %. Америцькый презідент ся за помочі цел снажыть направити нерівновагу в загранічнім торгu і посилнити домашній промысел. Тоты опатріня правдоподобно скомплікує імпорт одповідных выробків і поведе ку звышіню цін. В році 2024 были Споєны штаты по Европскій уніі найвекшым імпортером оцілі на світі. Подля влады США суть найважнішыма країнами походжіня Канада, Бразілія і Мексіко. Меджі десятьма найвекшыма експортерами до США є і Німецько. (TASR, Pkf)