Председа польского Сейму Шімон Головніа вчера ознамив, же в найблизшых днях, правдоподобно днесь, одбуде  ся далша стріча лідрів владной коаліції. Інформовав, же на понедільковім їднаню запропонував премєрови Доналдови Тускови, жебы ся пропозиція на высловліня довіры владі продіскутовала на вынятковім засіданю Сейму. Премєр Доналд Туск в понедільок вечурь ознамив, же ся по прогрі коалічного кандідата Рафала Тшасковского в презідентьскых вольбах оберне на Сейм із жадостьов о высловліня довіры своїй владі. Вчера уточнив, же Сейм ся буде пропозиційов занимати 11-го юна, кідь ся мать одбыти і голосованя. Причінов є обсадженость  салы про навщіву представителів Европской комісії. Головніа передтым запропонував, жебы ся пропозиція до переду продіскутовала якраз 10-го юна. (TASR, Pkf)