Іспаньска влада у четверь одобрила декрет, котрый дає можность ексгумовати тїлесны остаткы діктатора Франціска Франка. Соціалістічный премєр Педро Санчез, котрый до уряду наступив в юну, зробив з переміщіня Франковых остатків з великого мавзолеа недалеко Мадріду єдну із своїх пріоріт. Як ся Санчез выядрив на соціалных сїтях: „Справодливость, память, достойность. Іспанія днесь робить історічный крок. Днесь ся наша демокрація стає лїпшов.“ Комплекс поставленый Франковым режімом хоронить остаткы коло 37 000 мертвых з обидвох боків обчаньской войны, котру выкликало Франково повстаня проти рядно зволеній републіканьскій владї. Іспаньска віцепремєрка Кармен Калвова вызвала в парламентї на закінчіня той аномалії, коли є діктатор похованый в штатнім мавзолею. Увела, же покы зістанють Франковы остаткы на єднакім містї як остаткы ёго жертв, небуде ту нияка почливость, честь ани гармонія.
(TASR)