Австрійскый сполковый презідент Александер Фан дер Беллын прияв вчера у Відні лідра Австрійской народной партії, переможця нідільняйшых предчасных парламентных вольб Себастіяна Курца. На основі слов Курца сполочні дискутовали нелем о обсяговых вопросах, але і о потенціоналных коалічных можливостях. В наслідуючіх днях прийме австрійскый презідент і дальшых председів політичных партій. Фан дер Беллен уж скоріше авізував, же по опублікувані дефінітівных выслідків, як в них недойде до ключовых змін, мать замір повірити як раз Курца вытворіням новой австрійской влады. У Відні ся рахує с тым, же презідент повірить лідра Австрійской народной партії вытворіньом влады в пятницю.
(Петро Кімак-фейко)