Рішіня вступити до НАТО собі днесь мусиме цінити веце як будьколи передтым, написав днесь на соціалній сіті міністер обороны Ярослав Надь при нагоді 18-ой річніці вступу Словакії до Североатлантічной аліанції. „На фоні дій на Україні я певный, же кебы сьме не были членьсков державов НАТО, аґресор бы смотрив прямо на нас,“ выголосив Надь. Подля міністра по 18-ох роках бытостно зажываме невіроятну силу НАТО. Аліанція, котра фунґує на прінціпі єден за вшыткых, вшыткы за єдного, є подля міністра найвекшов можливов ґаранційов безпечности і обороны Словацькой републікы.

(Медвідь, TASR)