Папа Франціск скликав на 1-го юла до Ватікану християньскых лідрів з Лібанону, абы вєдно медітовали і молили ся за мір і стабіліту в даній близьковыходній країні. Лібанон ся то значіть уж місяці трапить з господарьсков і днесь і політичнов крізов. Того часу прожывать найважнішу фінанчну крізу од громадьской войны в рокох 1975-1990, причім теперь веце як половина обывателів в країні жыє під границьов худобы.  (TASR, Pkf)