Італійска судкыня Донателла Банціова Буонаміціова вырішуюча в припаді одторгнутой кабіны лановкы выголосила, же неіснує достаток доказів о тім, же бы властник фірмы Ferrovie del Mottarone ці ведучій удыржбы знали, же главный технік пару разів – і то іщі перед тым, як 23-го мая дошло к траґічній гаварії – нароком деактівував сістем гамуваня. Інформувала  о тім аґентура AP. Троє мужы зохабили арешт в місті Вербаніа вчера рано за участі їх правників з тым, же технік Ґабріеле Тадіні оставать в домашнім арешті. Як увів його правник Марцелло Перілло, його клieнт признав, же нароком знефункчнив гамуваня, протоже ся самы од себе узамыкали в часі того, як была лановка в превадзкі. Як бы знав, же такым способом огрозить пасажирів, николи бы тото незробив, повів. (TASR, Pkf).