Україньскый презідент Володимір Зеленьскый выголосив, же бы хотів, жебы Німецько додавало Україні збрані в часі проходячого конфлікту меджі Києвом і проросійскыма сепаратістами на выході країны. Інформовала о тім аґентура DPA. Про віторкове выданя денника Frankfurter Allgemeine Zeitung Зеленьскый повів, же Німецько дотеперь не дало Києву жадну воєньску поміч, але могло бы. Шеф німецькых зеленых Роберт Габек почас недавной навщівы Україны назначів, же його партія буде одкрыта експорту зброї на Україну. Уточнив, же бы то были „збрані на себеоборону“. Зелены в Німецьку ведуть в сондажах перед септембровыма вольбами.

(Медвідь, TASR)