Польскый презідент Анджей Дуда в понедільок вызвав остатніх членів Североатлантічной аліанції, жебы звекшыли свої вытраты на оборону на три процента грубого домашнього продукту. Америцьке міністерство загранічных діл реаґовало, же наперед бы членьскы країны мали сповнити актуалну пожадавку, котра представлює дві процента. Вызва Дуды пришла в часі, коли собі Варшава припоминать 25-ту річніцю свого вступу до НАТО вєдно з Чеськов републіков і Мадярьском 12-го марца 1999-го року. Членове НАТО доїднали ся на звекшіню своїх вытрат на оборону на дві процента ГДП в році 2014 по тім, што Росія анектовала Крим. Векшына держав Аліанції включно Німецька дотеперь не досягує тоту граніцю.

(Медвідь, TASR)