Польскый міністер здравотницьтва Лукаш Шуковскі у четверь ознамив, же од 16. апріля буде в Польщі на верейности повинне носити рушко, котре закрывать ніс і рот, припадно ёго нагороду, наприклад хустя ці шал. Превентівны крокы мають подля ёго слов замедзити пошырёваню нового коронавірусу, інформує аґентура PAP. ,,Од будучого четверя заведеме повинне закрываня носа і рота у верейнім просторі,“ повів Шумовскі. Підчеркнув притім скуточность, же многы з інфікованых не мають сімптомы хвороты COVID-19,  а так не знають, же суть накажены. Зато є подля нёго важне носіня рушок і дотримованя далшых превентівных опатрінь, котры знижують різіко переносу інфекції.

(TASR, Шутіова)