Бывша датова аналітічка компанії Фацебоок Францес Гауґенова вчера америцькому конґресу повіла, же продукты Фацебооку суть шкодливы про дітей і підтримують поларізацію сполочности в США. Інформувала о тім аґентура АP. Гауґенова у вівторок выповідала перед выбором америцького Сенату, котрый мать на старости охрану спотребителів. І сама компанія Фацебоок собі подля ньой усвідомлює, же у дакотрых доспіваючіх была шкодлива. Так само єй вычітала нечестный приступ в бою протів шыріню проявліня ненависті і дезінформації. “Продукты Фацебооку шкодять дітям, і повзбуджують к розділеню сполочности і ослабують нашу демокрацію, “ повіла Гауґенова, котра єдночасно вызвала америцькый Конґрес, абы ся в проблематиці зачав анґажувати. (TASR, Pkf)