x

Пуждемон подав одкликаня

00

Бывшый каталаньскый премєр Карлес Пуждемон, котрого затримали в Німецьку на основі европского приказу на затриманя, подав уже 28-го марца одкликаня односно обвинінь, котре односно нього вынесла іспаньска юстіція. Днесь о тім на своїм сайті інформовав німецькый тыжденник Der Spiegel. Правник Пуждемона в одкликаню арґументує, же обвиніня з ребелії суть неутримательны, бо такый карный чін предпокладать, же дішло ку бунту допроваджаному ґвалтом. Кідь ся такы припады стали коло референдуму, были то ізолованы припады, за котры не несуть зосповідность ініціаторы голосованя. Пуждемон далше жадать і стагнутя обвинінь о знеужытю фінанчных средств, з чого обвинили бывшу каталаньску міністерку школьства Клару Понсатіову.
(TASR)