Контуры ядра Европской унії бы могли быти знамы до кінця рока. Так сі то представує председа влады сполочні с французкым презідентом Еммануелом Макроном. Згодлі ся на тім по вчерайшій стрічі в Салзбурґу, де діскутовали і с чеськым премєр-міністром Богуславом Соботком і ракускым сполковым канцеларом Хрістіяном Керном. “В Европі нам потрібна нова динаміка“, выголосив Макрон, котрый бы быв рад, кебы відів до кінця рока наштартованы ініціятівы на знову “заложіня“ Европы. Як доповнив Роберт Фіцо, до кінця рока мусять быти становлены контуры того, што мать быти то знову заложіням Европской унії.
(Петро Кімак-Фейко)