Російске міністерство загранічных діл в понедільок інформовало, же выгостить двох чеськых діпломатів у реакції на єднакый крок з боку Чеськой републікы. Інформовала о тім аґентура Associated Press. Кремель собі в понедільок покликав чеського амбасадора в Москві Вітєзслава Півоньку, котрого інформовали о менах выгощеных діпломатів і означіли їх за нежадучі особы. З Росії бы мали одыйти до середы вечора і зо своїма родинами. Прага выгостила 7-го юна двох російскых діпломатів у реакції на кавзу, же до Чеськой републікы мав прийти російскый аґент з отровов. Огрожены мали быти пражскы локалны політіци, котры были повязаны з демонтажов памятника маршала Конева.

(Медвідь, ТASR)