Каждый рік давать світ честь силї і одвазї людей, котры были нучены утечі зо своёй домовины, жебы утекли перед конфліктом або перенаслїдованём. Іде о меджінародный день, котрый выголосила Орґанізація Споєных народів (OSN) на честь утеченцїв на цїлїм світї. Тогорічный Світовый день утеченцїв, котрый припадать на пятніцю 20. юна, ся напрямує на солідаріту з утеченцами. ,,Солідаріта значіть цтити сі утеченцїв не лем словами, але і чінами. Значіть то слухати їх а вытваряти простор про їх оповіданя. Значіть то бранити їх право глядати безпеку і глядати рішіня їх тяжкой сітуації, закончіты конфлікты, жебы ся могли безпечно вернути домів. Значіть то забезпечіти їм можности просперовати в комунітах, котры їх прияли а додати державам жрідла, котры потребують на зачленїня а підпору утеченцїв,“ уводить ся на сторінцї Уряду высокого комісаря OSN про утеченцїв.Подля уряду солідаріта значіти передовшыткым ясно і одважно повісти, же утеченцї не суть самы а же ся їм не обернеме хребтом. Світовый день утеченцїв сі офіціално припоминаме од 20. юна 2001.

(TASR, Шутіова)