x

Сербска міністерка Ґордана Чоміч навщівила централу Націоналного совіту Русинів в Руськім Керестурі

00

В пятницю 26-го фебруара 2021-го року сербска міністерка про людьскы права, права меншын і соціалный діалоґ, Ґордана Чоміч, вєдно із своїма співпрацовниками, меджі котрыма была і державный секретарь резорту Олена Папуґа, навщівила централу Націоналного совіту Русинів в Руськім Керестурі. О навщіві міністеркы інформував портал Радіо-Телевізія Войводины. На робочій стрічі председове одборів про інформуваня, културу, освіту і урядне вжываня языка і писма на чолі з председом Націоналного совіту Русинів Бориславом Сакачом споминали актуалны проблемы, з котрыма ся стрічають при своїй роботі. Говорило ся і о демоґрафічній сітуації в Сербії. Як єден із способів вырішіня проблем міністерка Чоміч підкреслила соціалный діалоґ. Спомянула і важность списованя жытелів, котре в Сербії має проходити в тім році. Додала, же ку списованю треба приступити без страху, формуларі будуть безпечны і русиньскый язык буде єдным із 13-ох урядных языків, в котрых буде списованя проходити. Жрідло фотоґрафії: Рутенпрес. (Пкф, ЛЕМ.ФМ)