Україньскый презідент Володимир Зеленськый в середу підписав договор з Радов Европы о вытворіню особливого трібуналу на караня найвысшых російскых представителів, одповідных за воєньскы злочіны на Україні. Інформує о тім агентура AFP і Reuters. „Мусиме ясно указати, же аґресія веде ку карі, і мусиме то зробити вєднно – ціла Европа,“ выголосив Зеленськый по підписаню договору з ґенералным секретарьом Рады Европы Алаіном Берсетом в Штрасбурґу. Меджінародный трecтный суд (ІСС) в Гааґу уж в марці 2023-го року публіковав приказ на арештованя російского презідента Владіміра Путіна у звязку з незаконнов депортаціов україньскых дітей на зачатку інвазії. ІСС але не мать компетенції карати Росію за „злочін аґресії“.