Европска комісія (EK) в середу потвердила, же Словакія была придaна  до списку членьскых штатів Европской унії (ЕУ), котры будуть вєдно з Українов і представителями ЕУ в пятницю їднати о скорочіню выбудованя такзваного „мура против дронам“ вздовж выходной граніцi Унії, інформує TASR. На відеоконференції, котру скликав еврокомісар про оборону Адріюс Кубіліюс з представителями EK і україньской влады, подля попередніх справ, мали брати участь лем заступцове семых країн на выходній граніці ЕУ – Естонія, Латвія, Літва, Фінландія, Польща, Румунія і Булгарія. Притомне мало бути і Данско. Говорця EK Тгомас Реґніер в понедільок ознамив, же Словакія і Мадярьско на їднаня не позвали. В середу але потвердив, же Словакія  наконець на них буде брати участь. (TASR, Пкф)