Словіньска армада насадить в югозападній часті свойой країны 35 вояків, абы помогли поліції при стражіню штатных границь в часі, кедь быв в даній області зазначеный звышеный рух міґрантів. Пресова аґентура AP то увела вчера з одликаням ся на выголосіня армады. Вояци з належным выбавліньом мають быти розоставлены од днешнього дня при границях з Хорватійов і  Італійов в близькости міста Копер на берегах Ядраньского моря. Поліція в Копері голосила в пятницю затриманя 122 міґрантів по тім, як обявила пару імпровізованых міґраньтскых лаґерів на залісненій території. Векшына з даных осіб походила з Афґаністану і найменше пять з них было неповнолітніма особами. (TASR, Пкф)