Україньскый презідент Володимир Зеленськый вчера увів, же його країна буде діяти у звязку зо стягнутям російскых войск з міста Херсон на югу Україны “барз осторожно“. Подля америцького презідента Йоеа Бідена назначує дане стягнутя войск, же Росія мать “насправды проблем“. Пресаґентура TASR о тім інформує подля справ аґентуры AFP. Російскый міністер обороны Серґей Шойґу вчера приказав російскій армаді, абы ся стягла з Херсону на западнім берегу рікы Днепер,  де днесь атакують українськы силы. Херсон Росіяни обсадили коротко по зачатку інвазії на Україні 24-го фебруара. (TASR, Pkf)