Америцькый презідент Джов Байден нарядив уволнити рекордный обєм ропы зо стратеґічных засоб. Інформовав о тім у четверь Білый дім, подля котрого США будуть протягом шестёх місяцїв уволнёвати зо засоб денно міліон барелів ропы. Цїлём є достати під контролю высокы цїны комодіты, котры зазначіли прудкый рост по тім, як западны штаты в реакції на інвазію Росії на Україну увалили на Російску федерацію шырокы санкції. TASR о тім інформує на основі справ аґентуры AP i Reuters. Крок США повказує на то, якы суть цїны ропы чутливы про америцьку владу. Высокы цїны комодіты знижують популаріту Байдена меджі Америчанами а, наспак, вылїпшують приймы російской влады атакуючой на Українї. Стягнутя до стратеґічных засоб бы подля аналітіків мало затиснути на цїны комодіты, і кедь Байдей такый крок ознамив уж два раз, причім великый ефект то на торгы не мало.

(TASR, Шутіова)