Інтерес перевзяти веджіня партії по Мейовій проявило уж вісем конзервативців вєдно бывалого міністра заграничных справ Боріса Джонсона ці бывшого міністра про тзв. брехіт Домініка Раба. Офіціална кампань ся зачне по одступліню Мейовой, на што выберуть нового лідра посланці вєдно з дальшыма скоро 120.000 членмі Конзерватівной партії. Успішный кандідат  потім автоматічно ся стане британьскым премьєром. Мейова в пятницю выголосила, же 7. юна планує одступити з функції председничкы Конзерватівной партії і зостане переходні урядуючов премєрков, покы собі єй партія невыбере нового лідра.  (TASR, Пкф)