Споєны штаты Америкы заженуть Україні далшу зброю, інформовав у понедільок вечур америцькый презідент Доналд Трамп. Ку зміні позіції дішло нецілый тыждень по тім, як америцьке Міністерство обороны оголосило позаставліня додавок дакотрой зброї Києву, інформує аґентура Asocciated Press i AFP. Трамп повів, же Україні буде треба послати веце зброї, передовшыткым оборонной, з тым, же Українці мусять быти способны боронити ся, кедь діставають „барз, барз тверды засягы“. Америцькый презідент в повязаню з тым додав, же не є спокійный з російскым презідентом Путіном. Высловив ся так на початку вечері, котру в Білім домі абсолвовав із ізраільскым премєром Бенъяміном Нетанъягу.

(Медвідь, TASR)