Тїла баників із Стонавы выберути з підземлї може аж в ярПодля говорцу тяжобной сполочности ОКД Іва Челеховского ся ани по нецїлых двох тыжднёх од траґедії не змінила сітуація у вышетрёваню прічін. Заты не є можне дати жадну нову інформацію. ,,Зо запертых просторів ся надале одоберають взоркы концентрації ґазу. Аж по їх докладнім выгодночіню будеме мочі пожадати обводный баньскый уряд о поволїня далшых робот і транспорту звышных баників на поверх,“ высвітлив говорця OКД, котра баню ЧСМ властнить. Нихто заты недокаже одповісті на вопрос, як довго іші тота сітуація буде, коли теплота під землёв клесне на безпечну граніцю, може то быти дакілько тыжднів аж місяців увів Челеховскый. Траґіцкый
выбух метану котрый настав в бані в селї Стонава, собі выжадав окрем 13 жертв і зранїня далшых баників. двоє суть іщі все госпіталізованы а єден ся находить в крітічнім ставі. Просторы засагнуты пожаром а експлозіёв ся подарило узаперти барєрами. Тяжбу в незасягнутых частях бани обновили такой по Рождестві, в бани надале робить дакілько сто людей.
(TASR, Шутіова)